Xhavit Halitit i vjen ‘goditja’ e radhës: “Së bashku me Fatos Klosin të tregojnë si u vra Ahmet Krasniqi”

Aktuale

Xhavit Halitit i vjen ‘goditja’ e radhës: “Së bashku me Fatos Klosin të tregojnë si u vra Ahmet Krasniqi”

Nga: N. Sh. Më: 6 korrik 2022 Në ora: 20:58
Ahmet Krasniqi, Xhavit Haliti dhe Fatos Klosi

Xhavit Haliti sot duke folur për Betejën e Loxhës, nuk ia përmendi emrin kolonelit dhe komandantit të UÇK-së, Tahir Zemajt.

Pasi Haliti nuk përmendi emrin e Zemajt, kanë vërshuar reagimet kundër tij.

Njohësi i çështjeve politike, prof. dr. Binak Maxharraj thotë se, Beteja e Loxhës është njëra nga betejat më madhështore të UÇK-së.

Për Halitin thotë se në stilin e injorantit nuk ia përmendi emrin Zemajt.

Ai këtë e quan tentim flagrant të përqarjes së luftës nga ana e Xhavit Halitit edhe pas 20 viteve në liri.

“Por, Xhavit Haliti më mirë ka qenë të shkruajë për ato ngjarje të luftës të cilat i njehë më mirë,  të zhilluara gjatë dhe përgjatë Shtabit të Rognerit. Ai më mirë është që së bashku me Fatos Klosin të tregojnë se si u vra ministri, koloneli Ahmet Krasniqi pasiqë duhet të kenë qenë të informuar lidhur me këtë”, shkruan Maxharraj.

Postimi i plotë:

XHAVIT HALITI EDHE PAS 20 VJETËSH PËRQARËS I LUFTËS.

Xhavit Haliti nuk ka, e as që i takon të shkruaj diçka për luftën e në veçanti për Betejën e Loxhës, sepse ai gjatë gjithë luftës nuk i ka shkelë këmba në Kosovë kur bijtë dhe bijat e kombit luftonin fyt për fyt me armikun.

Xhavit Haliti ishte krysori i Shtabit të Rognerit në Tiranë, ai e shihte në Tv luftën së bashku me Fatos Klosin në Shtabin e Rognerit duke pi uiski e duke bërë plane tjera që kanë të bëjnë me përfitimet e luftës dhe për plaçkitjen e fondeve të diasporës.

Pra nuk janë të njëjta Shtabi i Rognerit dhe Beteja heroike e Loxhës, e cila ishte njëra ndër beteajt më madhështore të UÇK-së e udhëhequr nga strategu, ushtaraku, kolonel Tahir Zemaj, të cilit në stilin e injorantit Xhavit Haliti as që ia përmend emrin.

Por sipas Xhavit Halitit, strategun dhe udhëheqësin e Betejës së lavdimshme të UÇK-së në Loxhë, Tahir Zemajn sikur nuk paska dëgjuar për Tahir Zemen, apo me qëllim e ka anashkaluar.

Ky është edhe një tentim flagrant i përqarjes së luftës nga ana e Xhavit Halitit edhe pas 20 viteve në liri.

Por, Xhavit Haliti më mirë ka qenë të shkruajë për ato ngjarje të luftës të cilat i njehë më mirë,  të zhilluara gjatë dhe përgjatë Shtabit të Rognerit. Ai më mirë është që së bashku me Fatos Klosin të tregojnë se si u vra ministri, koloneli Ahmet Krasniqi pasiqë duhet të kenë qenë të informuar lidhur me këtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat