Ish – ushtaraku shpërthen kundër atyre që “përvetësuan” luftën - thotë se ky deputet i PDK-së kishte bërë një hajni perfide menjëherë pas luftës

Aktuale

Ish – ushtaraku shpërthen kundër atyre që “përvetësuan” luftën - thotë se ky deputet i PDK-së kishte bërë një hajni perfide menjëherë pas luftës

Nga: M.L. Më: 7 korrik 2022 Në ora: 09:28
Osman Ferizi

Kryetari i LDK-së në Gjermani, Osman Ferizi dhe ish pjesëtari i grupit të dytë të armatosur në vitin 1991, nëpërmjet një postimi në Facebook ka bërë një koment të titulluar “mentaliteti i cubave”, shkruan "Bota sot:.

Në këtë shkrim, Ferizi ka thënë se partitë e Kallashnikovëve dhe shurdhuesve të SHIK( PDK, AAK, Nisma) që trumbetuan për 20-vite që e çliruan Kosovën, vepruan njëjtë si fantazmat e Enver Hoxhes gjatë dhe pas luftës, duke eliminuar kundërshtarë politik dhe rivalë brenda llojit.

“Mentaliteti i cubave!

Partitë e Kallashnikovëve dhe shurdhuesve të SHIK( PDK, AAK, Nisma) që trumbetuan për 20-vite që e çliruan Kosovën vepruan njëjtë si fantazmat e Enver Hoxhes gjatë dhe pas luftës duke eliminuar kundërshtarë politik dhe rivalë brenda llojit që e shihnin si pengese. Kjo rrahagjoksje e tyre dhe kjo hajni dhe degradim i shtetit edhe po t’ i bënin betejat e Skënderbeut apo Napoleonit nuk do duhej të silleshin si mercenar dhe zhvatës kur dihet sa vuajti ai popull dhe sa nëna e motra u dhunuan nga çetniket e Millosheviqit”, shkruan Ferizi.

Ai shprehet se ata që u ndien triumfues me tragjedinë e popullit të tyre, tani tentojnë me rrena dhe mashtrim të rikthehen në pushtet.

“Marionetat, jeniçerët dhe cubat e Hashim Thaçit, Xhavit Halitit, Rexhep Selimit, Azem Sylës… u ndien triumfues nga tragjedia e popullit të tyre dhe vrapuan hajnit, vrasjet më pagesë nga dora e zezë dhe kapjen e Shtetit, dhe prapë tentojnë me rrena dhe mashtrim të rikthehen në pushtet”, theksoi ai.

Ferizi kujtoi edhe një rast të një vjedhjeje që sipas tij e ka bërë një deputet i PDK-së menjëherë paslufte.

“Më lejoni të ju tregoi një hajni perfide të një deputeti të zhurmshëm të PDK-së Bekim Haxhiu - kom. “Kamishi”, i cili pas lufte më Esat Ujkanin nga fsh. Vinarc kanë shkuar më qerre të kuajve në ish Fabrikën e Fafos- Elektoliza e Zingut në Mitrovicë, ku i kanë vjedhë bllokat e zingut për ti shitur ilegalisht, ata nga përvoja e tyre prej cubash aty afër fabrike ua mbathin kuajve çorapët që mos të dëgjohet krisma e nallçeve dhe mos më lënë gjurmë, kështu i ka stërvit SHIK për të plaçkitur shtetin e tyre.

Ftoj ata që e donë atë vend që po braktiset nga qytetaret e vetë mos u bëni avokat të KRIMIT, të HAJNISË, mos votoni as POPULLISTA e demagog, kush lufton gjykatën e Hagës e lufton Amerikën dhe shtetin ligjorë në Dardani. BOLL MA🇦🤝✌️”, përfundon Ferizi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat