Gazetarja e “El Pais” reagon për shkarkimin e Krasniqit nga Gërvalla: Sa keq, ishte mik i madh i Spanjës!

Aktuale

Gazetarja e “El Pais” reagon për shkarkimin e Krasniqit nga Gërvalla: Sa keq, ishte mik i madh i Spanjës!

Më: 7 korrik 2022 Në ora: 16:34
Maria Antonia Sanchez-Vallejo

Gazetarja spanjolle e prestigjiozes “El Pais”, Maria Antonia Sanchez-Vallejo, ka reaguar pas lajmit se konsulli i Kosovës në New York, Lulzim Krasniqi, është shkarkuar me vendim të Ministrisë së Punëve të Jashtme të Kosovës që drejtohet nga Donika Gërvalla.

Gazetarja spanjolle ka thënë se Krasniqi ka qenë një mik i madh i Spanjës dhe se ka ndihmuar gazetarët spanjollë që të afrohen me Kosovën.

“Sa keq të mësosh largimin nga Nju Jorku të konsullit Krasniqi, një mik i madh i Spanjës dhe që ka bërë kaq shumë për t’i afruar gazetarët spanjollë me realitetin e vendit të tij. Do te na mungosh!”, ka shkruar ajo.

Dje Lulzim Kransiqi përmes një letre dërguar ministres Gërvalla kishte treguar se ishte shkarkuar me një email të zv.sekretarit të MPJD-së. Krasniqi gjithashtu në letrën e tij kishte thënë se ministrja Gërvalla kishte kërkuar largimin e flamurit të UÇK-së nga Konsullata e Kosovës në New York.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat