Rasti ku shihen zyrtarët policorë duke rrahur të arrestuarin, ky është reagimi nga Policia

Aktuale

Rasti ku shihen zyrtarët policorë duke rrahur të arrestuarin, ky është reagimi nga Policia

Më: 21 korrik 2022 Në ora: 17:28
Foto nga vendi i ngjarjes

Një video e cila ka qarkulluar në media gjatë së enjtes, shihet një polic duke vepruar dhunshëm ndaj një personi të arrestuar.

Lidhur me këtë, Inspektorati Policor (IPK) ka thënë për Telegrafin, se rasti ka ndodhur vitin e kaluar, në stacionin e policisë së trafikut në Prizren.

“Duke ju referuar video pamjeve të cilat janë publikuar në shumë medi , duke ju referuar një rasti që ka ndodhur në Prizren më 17.01.2021, Inspektorati Policor i Kosovës ju njofton si në vijim:Inspektorati Policor i Kosovës respektivisht Departamenti i Hetimeve në janar të vitit 2021 ka pranuar ankesë nga një qytetar i cili ankohej për tejkalim të autorizimeve policore gjatë përdorimit të forcës nga zyrtarë policorë në Prizren”, thuhet në përgjigje.

IPK shton se pas disa veprimeve hetimore në konsultim me prokurorinë kompetente, hetuesit kanë dorëzuar kallëzim penal ndaj një zyrtari policor të dyshuar në këtë rast me dyshimin se ka kryer veprën penale “keqtrajtim gjatë ushtrimit të detyrës zyrtare” si dhe në interes të hetimit është dhënë rekomandimi për suspendim nga detyra.

Edhe Policia, ka bërë të ditur se pë rastin në fjalë me kohë janë ndërmarr të gjitha veprimet e nevojshme procedurale me kohë.

Sipas PK-së, zyrtarët policor kanë qenë të suspenduar, kanë marr masat ndëshkuese në pajtim me ligjet dhe procedurat e parapara për raste të kësaj natyre.

“Kërkojmë që për ofrimin e informacioneve të vërteta për publikun dhe në kohë nga mediat të kontaktohen autoritetet kompetente që kanë informacione të sakta dhe komplete për raste, në mënyrë që opinioni i gjerë dhe qytetarët të mos bien pre e informacioneve që nuk pasqyrojnë të vërteten aktuale”.

“Siç u potencua edhe më lart ky është një rast më i vjetër dhe lidhur më këtë rast Policia e Kosovës ka njoftuar autoritetet kompetente dhe janë marr masat e nevojshëm ligjore dhe procedurale për trajtimin e tij, përfshirë edhe masat ndëshkuese ndaj personave/zyrtarëve policor të përfshirë”, thuhet në reagimin e policisë.

commentFirst article
Sot mund të lexoni Shfletoni kopertinat