Zyrtari i Lëvizjes Vetëvendosje Avni Zogiani, ka reaguar për deklaratat e opozitarëve, se marrëveshja me MCC-në për Progamin e Kompaktit, është nisur nga ta para 10 viteve.
Zogiani ka pyetur ish-pushtetarët se pse nuk e kanë nënshkruar këtë marrëveshje, nëse ata e kanë nisur, përcjell Bota sot.
“Opozita: na e kemi nisë... para 10 viteve! (për shumë vendime po thonë kështu, vetëm sot për dy prej tyre...). E pse bre se bitisshit kur e keni nis?!
A pak i keni pas 10 vjet?! Apo jeni kanë të zënë me...”, ka shkruar Zogiani në një postim në Facebook.
Dje Kosova ka nënshkruar marrëveshjen me MCC-në për Progamin e Kompaktit. Kjo marrëveshje, në shumë prej 236.7 milion dollarë, përbën investimin më të madh në sektorin e energjisë në Kosovë pas disa dekadash.
Marrëveshja u nënshkrua nga ministrja Artane Rizvanolli, në prani edhe të presidentes Vjosa Osmani dhe kryeministrit Albin Kurti./Botasot