Çitaku: Nuk ka me pas luftë në Kosovë, mos ndjellni frikë e panikë

Aktuale

Çitaku: Nuk ka me pas luftë në Kosovë, mos ndjellni frikë e panikë

Më: 8 gusht 2022 Në ora: 18:05
Vlora Çitaku 

Nënkryetarja e Partisë Demokratike të Kosovës (PDK), Vlora Çitaku ka deklaruar se nuk do të ketë luftë në Kosovë.

“Mos ndjellni frikë”, thotë ajo duke iu referuar deklaratës së kryeministrit Kurti i cili tha se rreziku i një konflikti me Serbinë është i lartë.

Përmes një statusi në Facebook, Çitaku thotë se lufta konvenciale ka përfunduar, tash betejat janë të një natyre tjetër.

“Nuk ka me pasë luftë në Kosovë. Mos ndjellni frikë e panikë. NATO është garantues i sovranitetit të Kosovës. Serbia e di shumë mirë çka sjellë një konflikt i hapur me NATO. E ka provu”, shkruan mes tjerash Çitaku.

E kryeministri i Kosovës, Albin Kurti në një intervistë për la Repubblica, ka deklaruar se rreziku i një konflikti me Serbinë është i lartë. Ai tha se pas Serbisë qëndron Vladimir Putin. Kurti thekson se mundësitë për një luftë të tretë në Ballkanin Perëndimor, veçanërisht në Kosovës janë shumë të larta.

Postimi i plotë:

Nuk ka me pasë luftë në Kosovë. Mos ndjellni frikë e panikë. NATO është garantues i sovranitetit të Kosovës. Serbia e di shumë mirë çka sjellë një konflikt i hapur me NATO. E ka provu.

Ka pasë luftë në Kosovë para 23 vitesh. Disa prej nesh kemi qenë të rritur dhe kemi pasë mundësinë me luftu atëherë.

Nderkohë, Serbisë sot më së shumti i konvenon status quo, dhe mundësisht me folë për stikersa e barikada.

Lufta konvencionale ka përfunduar. Tash betejat janë të një natyre tjetër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat