Momenti kur policia kroate e kishte zënë kryeministren serbe duke lundruar paligjshëm në vitin 2010

Aktuale

Momenti kur policia kroate e kishte zënë kryeministren serbe duke lundruar paligjshëm në vitin 2010

Më: 13 gusht 2022 Në ora: 21:23
Pamje nga video

Media kroate morski.hr, ka kthyer në vëmendje edhe një herë momentin kur tash kryeministrja e Serbisë, Ana Bërnabiq, kishte lundruar ilegalisht në qytetin bregdetar, Krk.

Kjo po bëhet nga mediat kroate pasi Zagrebi ia ndaloi hyrjen javë më parë presidentit serb, Aleksandar Vuçiq, dhe ky i fundit premtoi publikisht se nuk do të shkojë në bregdetin kroat sa të jetë gjallë.

Kurse, kryeministrja serbe, Ana Bërnabiq tha se ajo s’ka shkuar në shtëpinë e saj në Krk që nga viti 2016 kur u zgjodh për herë të parë ministre për Administratën Shtetërore dhe Vendore.

Në një video e cila është e vitit 2010, Bërnabiq ishte kapur nga policia kroate tek lundronte me skaf 300 metra afër bregut, gjë që s’është e lejuar.

“U nisëm me varkë si zakonisht për në këtë plazh ku nuk ka shumë banorë. Kur u nisëm atje, u nisa pak më shpejtë”, dëgjohet t’i ketë thënë ajo policëve kroatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat