Spahiu: Si mund serbët ta pranojnë, kur shumë shqiptarë s’besojnë që Kosova do të ekzistojë?

Aktuale

Spahiu: Si mund serbët ta pranojnë, kur shumë shqiptarë s’besojnë që Kosova do të ekzistojë?

Më: 16 gusht 2022 Në ora: 19:04
Nexhmedin Spahiu

Analisti politik Nexhmedin Spahiu, ka thënë se serbët nuk mund ta pranojnë aq lehtë shtetësinë e Kosovës, përderisa, sipas tij, një pjesë e madhe e komunitetit shqiptar nuk beson se ky shtet do të ekzistojë pas disa vjetësh.

“Mendoj që problemi nuk është te ajo se pse një pjesë e madhe e minoritetit serb nuk e njeh shtetin e Kosovës, problemi qëndron më tepër te komuniteti shqiptar, për të cilin është krijuar shteti i Kosovës, i cili e sheh Kosovën me skepticizëm. Kam disa dhjetëra baste me njerëz që lidhen me mua, se pas tre vitesh, 10 vitesh apo pas 20 vitesh nuk do të ekzistojë shteti i Kosovës, që do të thotë se njerëzit nuk besojnë në shtetin e Kosovës.

Si do ta bindim minoritetin serb, i cili nuk mund ta pranojë aq lehtë një realitet të ri, s’mund ta pranojë aq lehtë shtetin e Kosovës, kur një pjesë e madhe e shqiptarëve nuk kanë besim se shteti i Kosovës do të ekzistojë”, ka thënë Spahiu në Info Magazinë.

Spahiu po ashtu shtoi se vendet e QUINT-it po i bëjnë presion komunitetit serb në Kosovë, që ta njohin shtetësinë e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat