​Reduktimet e rrymës, Buzhala: Sot pasdite pritet përmirësimi i furnizimit me energji elektrike

Aktuale

​Reduktimet e rrymës, Buzhala: Sot pasdite pritet përmirësimi i furnizimit me energji elektrike

Më: 18 gusht 2022 Në ora: 11:40
Foto ilustrim

Me reduktime të rrymës vendi po përballet edhe të enjten, 6 orë me rrymë dhe 2 pa të.

Këtë për KosovaPress e ka konfirmuar zëdhënësi i KEDS-it, Viktor Buzhala i cili tha se kufizimet janë bazuar në instruksionet e KOSTT-it.

Megjithatë, zëdhënësi Buzhala ka thënë se gjatë ditës pritet të përmirësohet furnizimi me energji elektrike.

“Aktualisht ka reduktime, ndërsa sot pasdite pritet përmirësimi i furnizimit me energji elektrike”, tha ai.

Buzhala thotë se qeveria ende nuk ka disbursuar mjetet financiare tek KESCO.

KOSTT ka njoftuar dje pasdite se qytetarët e vendit që sipas masave dhe procedurave operative për balancim të Sistemit Elektroenergjetik të Kosovës në kushtet e pamjaftueshmërisë së furnizimit që parashihen me Kodin e Rrjetit, instruksionet për kufizim të furnizimit mbesin në fuqi deri në stabilizimin e situatës që do të thotë sigurimin e energjisë elektrike të nevojshme për mbulimin e konsumit nga operatorët përgjegjës në treg: Furnizuesi Publik (KESCO) dhe Operatori i Sistemit të Shpërndarjes (KEDS).

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat