Ligji i ri për Paga, sa do të paguhen mësuesit, mjekët e politikanët?

Aktuale

Ligji i ri për Paga, sa do të paguhen mësuesit, mjekët e politikanët?

Më: 18 gusht 2022 Në ora: 20:43
Foto ilustrim

Kanë postet më të rëndësishme shtetërore.

Për angazhimin e tyre në institucione, presidentja, kryeministri dhe kryetari i Kuvendit marrin pagë mujore.

Me projektligjin e ri për Pagat, vlera e pagesës mujore për ta pritet të ndryshojë.

Kjo nëse miratohet propozimi i Qeverisë Kurti që vlera e re e koeficientit të jetë 120 euro, nga 239 sa është aktualisht.

E para e shtetit, presidentja, Vjosa Osmani, me këtë llogaritje do të paguhet 2260 euro në bazë të llogaritjeve me koeficientin 18.

Kreu i ekzekutivit, Albin Kurti si dhe kryetari i Kuvendit, Glauk Konjufca, do të marrin një pagë prej 2040 eurosh në muaj.

Por i dyti me pagën më të madhe pas presidentes është kreu i Gjykatës Kushtetuese, që do të ketë 2100 euro pagë.

Nëpër komuna, kryetarët e tyre do të paguhen në vlera të ndryshme, varësisht nga qyteti që drejtojnë.

Mbi këtë kriter, kryetari i Prishtinës, Përparim Rama do të marrë 1800 euro.

E rreth 1500 euro do të jetë paga e kryetarëve të komunave tjera.

Në anën tjetër, me këtë projektligj kanë ndryshuar edhe pagat në arsim e shëndetësi.

Me koeficientin e deritanishëm pritet që një rektor të paguhet 1704 euro, dekani 1536 euro ndërkaq një profesor i rregullt 1488 euro.

Mësimdhënësit në shkolla fillore do të paguhen 672 euro, ndërkaq ata në shkolla të mesme afër 700 euro.

Në sistemin shëndetësor një mjek i përgjithshëm pritet të paguhet afër 900 euro.

Mjekët që janë në specializim 960 euro, ndërkaq specialistët afër 1450 euro.

Edhe në institucionet e sigurisë, pagat parashihet të pësojnë ndryshime.

Komandanti i FSK-së do të paguhet 1800 euro ndërsa një ushtar rreth 600 euro.

Drejtori i përgjithshëm i Policisë do të paguhet 1740 euro.

Një polic rreth 530 euro, ndërkaq një polic i ri do të marrë rreth 500 euro.

E edhe në sistemin e shërbimit jashtë vendit, ambasadorët e këshilltarët do të kenë paga më të larta.

Njësoj edhe gjyqtarët, prokurorët e po ashtu edhe kryesuesit e Këshillit Prokurorial e Gjyqësor së bashku me të gjithë zyrtarët tjerë.

Në miratimin e buxhetit të vitit të ardhëm do të vendoset për vlerën e të koeficientit dhe atëherë do të dihen saktësisht pagat e sektorit publik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat