“Jo Dritan, por Zezan”, Luljeta Aliu e quan të dështuar dhe mjeran Abazoviqin

Aktuale

“Jo Dritan, por Zezan”, Luljeta Aliu e quan të dështuar dhe mjeran Abazoviqin

Nga: A.ZH Më: 19 gusht 2022 Në ora: 15:57
Dritan Abazoviq

Analistija e çështjeve politike në Kosovë Luljeta Aliu, e ka quajtur mjerim, tentimin e kryeministrit të Malit të Zi, Dritan Abazoviq, për të mbrojtur veten nga “gabimet trashanike”.

Ajo ka thënë se Abazoviq nuk i ka zhgënjyer vetëm shqiptarët, por edhe malazezët me flirtimin që po e bën me Serbinë, përcjell Bota sot.

“Sa mjeran tentimi i Dritan Abazoviqit me mbrojt veten nga gabimet trashanike, duke aluduar se mocioni ndaj tij u bëka vetëm pse është shqiptar.

Si shqiptar dhe si politikan që është, ai duhet ta dijë historinë e Malit të Zi që prej kohës së Zetës dhe që arsyeja e asimilimit të shqiptarëve që nga koha e Balshajve ka ndodhë pikërisht për shkak të Kishës Ortodokse Serbe. Substrati malazez nuk është sllav, por shqiptar me besim ortodoks.

Ai nuk i ka zhgënjyer vetëm shqiptarët, por edhe malazezët me flirtimin që po e bën me Serbinë.

Fshehja prapa të qenit shqiptar është tentim mjeran dhe i dështuar! Jo Dritan, por Zezan!”, ka shkruar Aliu, në një postim në Facebook.

Sot në Kuvendin e Malit të Zi, po mbahet seanca për mocionin e mosbesimit ndaj kryeministrit Abazoviq, i cili humbi shumicën pas nënshkrimit të marrëveshjen me Kishën Serbe./Botasot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat