Avdullah Hoti me kritika: Qeveria s’i ka zbatuar projektet e veta kapitale dhe i ka penguar komunat për të kryer projekte

Aktuale

Avdullah Hoti me kritika: Qeveria s’i ka zbatuar projektet e veta kapitale dhe i ka penguar komunat për të kryer projekte

Më: 24 shtator 2022 Në ora: 14:21
Deputeti i LDK-së, Avdullah Hoti

Deputeti i LDK-së, Avdullah Hoti, thotë se qeveria i ka penguar komunat për të bërë investime kapitale në dy mënyra.

Hoti ka shkruar në Facebook se Ministria e Financave ua ka vonuar me muaj bartjen e mjeteve komunave.

“Kërkesat e komunave për bartje dhe ridestinim të mjeteve vetanake kanë pritur me muaj për miratim nga Ministria e Financave, duke humbur muajt e verës kur është koha optimale për kryerjen e projekteve kapitale. Kur janë miratuar kërkesat, është bërë tepër vonë për të kryer procedurat e prokurimit dhe zbatuar ato projekte brenda vitit. Sipas ligjit, është e drejtë ekskluzive e komunave për të vendosur se për çfarë do t’i përdorin të hyrat vetanake. Kërkesat për bartje të të hyrave vetanake miratohen sipas procedurave formale ligjore dhe nuk i nënshtrohen diskrecionit të Ministrit të Financave”, ka shkruar ai.

Tutje ai ka thënë se qeveria e ka mbajtur të bllokuar OSHP-në duke bllokuar kështu edhe projektet kapitale.

“Qeveria e ka mbajtur të bllokuar shumë gjatë Organin Shqyrtues të Prokurimit, duke bllokuar shumë projekte kapitale për të cilat ka pasur ankesa. Kjo e ka vonuar edhe më tutje zbatimin e projekteve kapitale qendrore dhe lokale”, ka thënë ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat