​Bislimi dhe kryetari i Parlamentit të Landit të Austrisë së Ulët flasin për integrimin evropian të Kosovës

Aktuale

​Bislimi dhe kryetari i Parlamentit të Landit të Austrisë së Ulët flasin për integrimin evropian të Kosovës

Më: 27 shtator 2022 Në ora: 13:24
Foto nga takimi

Zëvendëskryeministri i Kosovës, Besnik Bislimi, ka pritur në takim kryetarin e Parlamentit të Landit të Austrisë së Ulët, Karl Wilfing.

Në komunikatën për media bëhet e ditur se në këtë takim, zëvendëskryeministri Bislimi foli mbi prioritetet e Qeverisë në agjendën ambicioze të këtij viti në integrimin evropian. Pas aplikimit për anëtarësim në Këshillin e Evropës, Kosova synon të aplikojë për anëtarësim në BE brenda këtij viti.

Çështje tjetër me rëndësi ishte dhe tema e liberalizimit të vizave për qytetarët e Kosovës, ku u theksua nevoja për përfundimin e këtij procesi dhe pritjes së gjatë për qytetarët e Republikës së Kosovës.

“Gjithashtu, zëvendëskryeministri Bislimi e njoftoi Wilfing dhe delegacionin për avancimet që ka bërë Kosova në zhvillim ekonomik, sundimin e ligjit, demokratizimin, luftimin e krimit të organizuar dhe korrupsionit”, thuhet në komunikatë.

Bëhet e ditur se përballimi i sfidave të përbashkëta, siç është aktualisht kriza energjetike dhe inflacioni ishin tema të tjera të diskutimit.

Wilfing ishte i shoqëruar nga nënkryetari i parë, Karl Moser, deputetët Rene Pfister e Dieter Dorner, zëdhënësi Christoph Fuchs, ambasadori i Austrisë në Kosovë, Christoph Weidinger dhe zëvendës ambasadori Martin Schaller.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat