Paralajmëron deputeti i pushtetit: Ndoshta mund të ketë largime të tjera nga VV-ja

Aktuale

Paralajmëron deputeti i pushtetit: Ndoshta mund të ketë largime të tjera nga VV-ja

Më: 28 shtator 2022 Në ora: 08:40
Visar Korenica dhe Albin Kurti

Deputeti i Vetëvendosjes, Visar Korenica ka reaguar për kinse largimin e tij nga ko parti duke bërë të qartë se një gjë e tillë nuk është e vërtetë.

Tutje, Korenica tha se po shihet një tendencë për ta përçarë Grupin Parlamentar me lajme siç thotë ai toksike, duke i akuzuar mediet për shpërndarjen e lajmeve të pavërteta.

Ndonëse nuk dëshiron të komentojë ai thotë në Lëvizjen Vetëvendosje ndoshta mund të ketë edhe largime të tjera.

“Unë kam reaguar kundër shkrimit se kinse jam larguar edhe unë nga VV-ja dhe nuk qëndron ajo çka është shkruar. Lëvizja Vetëvendosje ka përfunduar një proces zgjedhor me 25 shtator dhe nuk ka të bëjë fare tema me aktualitetin politik në vend. Unë jam deputet i Lëvizjes brenda Kryesisë. Për bindjen time nuk flitet për largim po ajo çka po shohim është tendencë për ta përçarë Grupin Parlamentar e nuk ia arrin me këto gënjeshtra me këto shkrime të pavërteta”.

“Mua më vjen keq që opinioni ynë po përballet me lajme të tilla toksike dhe më vjen keq që gazetaria nuk ka kod të mirëfilltë etik flas për disa madje sepse po shijet që pa u vërtetuar lajmi po qarkullon dhe njerëzit e marrin si të mirëqenë. Po shihet që eksponentë që i kanë në pronësi portale të ndryshme po mundohet me krijuar kësi lloj hamendësie me gjëra të pavërteta”.

“Ndoshta mund të ketë largime tjera. Unë flas për veten time. Kam hyrë në garë me listën e VV-së dhe po e qojmë përpara premtimet elektorale gjatë fushatës”, tha Korenica.

Ndërsa për largimin e Doarsa Kica-Xhelili, deputeti Korenica shtoi se kjo është tradhti politike, duke thënë se pasi që ka vendosur të largohet “udha e mbarë i qoftë”.

“Ajo ka vendos me shkuar udha e mbar i qoftë. Ajo ka garuar përmes një listë që iu ka mundësuar asaj mu bo deputete. Kjo është tradhti politike në rend të parë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat