Plagosi 44-vjeçarin në Lushnjë, identifikohet pas 5 muajsh autori i atentatit të dështuar me silenciator

Aktuale

Plagosi 44-vjeçarin në Lushnjë, identifikohet pas 5 muajsh autori i atentatit të dështuar me silenciator

Më: 28 shtator 2022 Në ora: 17:13
Foto ilustrim

Më 20 prill të këtij viti një 44-vjeçar ra pre e një atentati në Lushnjë, teksa po pinte kafe në një lokal.

Kujtim Meta u qëllua me dy plumba në bark në afërsi të stacionit të trenit.

Në vendin e ngjarjes ka qenë vetëm pronari i lokalit, i cili asokohe deklaroi se atentatori mbante të veshur një maskë të zezë në kokë, ndërsa është ndihmuar nga një person tjetër për t'u larguar me makinë nga vendi i ngjarjes.

Sot pas 5 muajsh, policia ka identifikuar dhe shpallur në kërkim autori i plagosjes 26 vjeçarin, Dorian Shurdhi.

Ky i fundit akuzohet se tentoi të ekzekutonte Kujtim Metën duke përdorur një armë me silenciator dhe duke qëlluar 8 herë drejt tij.

Njoftimi i Plotë:

Lushnjë

Zbardhet dhe dokumentohet me prova ligjore, ngjarja e ndodhur më datë 20.04.2022, në Lushnjë, ku mbeti i plagosur me armë zjarri shtetasi K. M.

Identifikohet dhe shpallet në kërkim autori i dyshuar, Dorian Shurdhi.

Pas një pune të mirëfilltë hetimore, nga Seksioni për Hetimin e Krimeve të Komisariatit të Policisë Lushnjë, në bashkëpunim me Prokurorinë e Rrethit Gjyqësor Lushnjë, është bërë e mundur zbardhja dhe dokumentimi ligjor i ngjarjes së ndodhur më datë 20.04.2022, në lagjen “Skënder Libohova”, Lushnjë, ku mbeti i plagosur me armë zjarri shtetasi Kujtim Meta, 44 vjeç.

Si rezultat i hetimeve të thelluara dhe provave të grumbulluara në lidhje me këtë ngjarje, u bë identifikimi i autorit të dyshuar, shtetasit D. Sh., 29 vjeç, banues në Lushnjë, i cili u shpall në kërkim.

Për 29-vjeçarin, pas identifikimit nga ana e Policisë, në bashkëpunim me Prokurorinë, bazuar në provat e siguruara, Gjykata e Rrethit Gjyqësor Lushnjë, caktoi masën e sigurisë “Arrest në burg”, në mungesë, për veprat penale “Vrasja me paramendim”, mbetur në tentativë dhe “Mbajtja pa leje e armëve dhe municionit luftarak”.

Vijon puna për kapjen e shtetasit D. Sh. dhe vënien e tij përpara përgjegjësisë penale.

Materialet procedurale i kaluan Prokurorisë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat