Dalin pamjet e aksidentit afër Zveçanit, ku mbeti i vdekur një zyrtar policor

Aktuale

Dalin pamjet e aksidentit afër Zveçanit, ku mbeti i vdekur një zyrtar policor

Më: 28 shtator 2022 Në ora: 18:58
Pamje nga aksidenti

Në rrugën kryesore Rashkë-Mitrovicë ka ndodhur një aksident i rëndë trafiku ku një person i cili ishte zyrtar policor ka humbur jetën.

Aksidenti i komunikacionit ka ndodhur në afërsi të Savina Stenës në afërsi të Zveçanit, ku janë përplasur një automjet i pasagjerëve “Toyota” dhe një kamion.

Në aksident makina u shkatërrua për t’u njohur, si dhe dëme të konsiderueshme ka pësuar edhe kamioni “Mercedes”. 

Të dyja mjetet kanë dalë nga rruga nga forca e goditjes dhe janë përplasur në një kodër aty pranë.

Në vendin e ngjarjes kanë dalë pjesëtarë të Policisë së Kosovës, si dhe zjarrfikës.

Sipas zëvendëskomandantit të Policisë së Kosovës për rajonin e Veriut, Besim Hoti, vozitësi i “Toyotës” që humbi jetën është pjesëtar i Policisë së Kosovës.

Ai nuk ishte në detyrë në momentin e aksidentit. Drejtuesi i kamionit ka mbetur i plagosur, por jeta e tij është jashtë rrezikut për jetën.

Sipas Hotit, hetimet për aksidentin janë ende duke vazhduar.

Image
Pamje nga aksidenti
Image
Pamje nga aksidenti
Image
Pamje nga aksidenti

 

commentFirst article
Sot mund të lexoni Shfletoni kopertinat