Rrahmani sqaron pse ai dhe Agusholli u ulën kah opozita në Kuvend

Aktuale

Rrahmani sqaron pse ai dhe Agusholli u ulën kah opozita në Kuvend

Më: 30 shtator 2022 Në ora: 00:43
Eman Rrahmani

Deputeti i Lëvizjes Vetëvendosje, Eman Rrahmani sonte demantoi pretendimet se ai mund të largohet nga kjo parti.

Deputetët e Lëvizjes Vetëvendosje, Eman Rrahmani dhe Gramoz Agusholli në seancën e sotme janë ulur pas Grupit Parlamentar të Aleancës për Ardhmërinë e Kosovës.

Kjo në media u nënkuptua si një sinjal se ata mund të largohen nga partia e tyre.

Por, Rrahmani tha se nuk ka asnjë dyshim për një mundësi të tillë.

Ai theksoi se në atë pjesë ku është ulur sot gjatë seancës së Kuvendit nuk i përket asnjë grupi parlamentar.

“Fillimisht kjo pjesa ku jemi ulur unë dhe Gramosi nuk është pjesa ku ulen deputetët e Aleancës për Ardhmërinë e Kosovës. Këto dy rreshta janë të lira, nuk janë të asnjë grupi parlamentar dhe zakonisht këtë e shfrytëzojnë të gjithë deputetët e të gjitha subjekteve partiake kur kemi diskutime me kolegë deputetë të cilët nuk jemi ulur afër me ulëse, i shfrytëzojmë si vende të lira. Kjo ndodh në secilën seancë, jo vetëm tash, ka ndodh që nga fillimi kur kemi filluar me qenë deputetë në Kuvendin e Republikë së Kosovës”, tha Rrahmani. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat