Nagavci jep lajmin: Shumë shpejt do të hapet konkursi për rekrutimin e 20 inspektorëve të arsimit

Aktuale

Nagavci jep lajmin: Shumë shpejt do të hapet konkursi për rekrutimin e 20 inspektorëve të arsimit

Më: 2 tetor 2022 Në ora: 12:08
Arbërie Nagavci

Ministria e Arsimit, Shkencës, Teknologjisë dhe Inocavionit, Arbërie Nagavci, ka njoftuar se në mbledhjen e 99-të të Qeverisë së Kosovës është votuar komisioni intervistues për rekrutimin e 20 inspektorëve dhe sipas saj shumë shpejt do të hapet konkursi.

Nagavci përmes një postimi në Facebook, ka shkruar se inspektorati i arsimit deri tash ka funksionuar me kapacitete shumë të limituara, me vetëm 30 inspektorë të cilët kanë mbuluar tërë Republikën e Kosovës.

“Edhe për vitin e ardhshëm kemi planifikuar të pranojmë 20 inspektorë tjerë të arsimit. Me rritjen e numrit të inspektorëve të arsimit synojmë: 

Të sigurojmë cilësi në arsim;

Të jemi me afër problemeve në shkolla;

Të kemi më shumë mundësi të monitorojmë e inspektojmë institucionet arsimore;

Të vlerësojmë performancën e mësimdhënësve, drejtorëve dhe zv. drejtorëve si dhe performancën e shkollës”, ka shkruar ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat