Ish-drejtori i Arsimit në Prishtinë: Greva për këto kategori duhet të ndalohet me ligj

Aktuale

Ish-drejtori i Arsimit në Prishtinë: Greva për këto kategori duhet të ndalohet me ligj

Më: 5 tetor 2022 Në ora: 21:25
Jonuz Salihaj

Të hënën e 3 tetorit nxënësit u ulën sërish në bankat shkollore pas një ndërprerje prej pesë javësh për shkak të grevës.

E ata që sivjet nisën rrugën e dijes nuk e patën mundësinë ta nisin mësimin ashtu siç ndodh zakonisht më 1 shtator.

Kjo sipas ekspertit të arsimit Jonuz Salihaj, është një humbje e madhe, sidomos për nxënësit ciklin e ulët fillor dhe për fëmijët e vegjël.

Ai tha se grevat duhet të ndalen me ligj për ciklin e ulët mësimor.

Salihaj tha për kk se ndërprerja e mësimit ka shkaktuar kokëçarje edhe për prindërit.

Sipas tij prindërit kanë qenë të rrezikuar të humbin punat e tyre duke mos pasur që fëmijët t’i dërgojnë në kopshte e shkolla.

“Për mendimin tim grevat për ciklin e ulët (për fëmijet 0-3 dhe 3-6 vjeç) do t’i kisha ndaluar me ligj” – tha Salihaj

“Ndërpreja e mësimit është forma më radikale. Unë për vete nuk i pëlqejë format radikale. Kjo ka shkaktuar kokëçarje edhe tek prindërit të cilët nuk kanë pasur mundësi të i dërgojnë fëmijet e tyre në shkolla edhe në kopshte” – theksoi ai.

“Ndërprerja e procesit mësimor ka rrezikuar edhe ekonominë e vendit, pasi prindërit që nuk kanë pasur mundësi t’i dërgojnë fëmijët e tyre në kopshte edhe shkolla, kanë rrezikuar të humbin edhe vendet e tyre të punës. Kjo për shkak se ka shkaktuar shumë pasiguri tek prindërit se ku t’i lëjnë fëmijët e kjo pastaj ka ulur edhe efikasitetin e tyre në punë. Ata ndoshta shpesh është dashur që t’i marrin me vete në punë fëmijet ose të i dërgojnë për përkujdesje tek të afërmit” – shtoi ai.

Ish-drejtori i Arsimit në Prishtinë tha për Klankosova.tv se kompensimi i orëve gjatë vikendit nuk e ka efektin e duhur.

Ai tha se Ministria e Arsimit do të duhej të konsultohej me palët e përfshira për gjetjen e një zgjidhje më të përshtatshme pë kompensimin e orëve.

“Orët e humbura duhet të kompensohen. Por, mendoj se Ministria e Arsimit do të duhej që të konsultohej me palët për gjetjen e një zgjidhje më të përshtatshme. Nuk mendoj se zëvendësimi i orëve në vikend, pra ditën e shtunë do të ketë efektin e duhur “- tha ish-drejtori i Arsimit në Prishtinë.

“Po flas nga përvoja ime e gjatë që kam në arsim. Ora e humbur nuk zëvendësohet asnjëherë. Zëvendësimi i orëve në vikend, është edhe cënim i të drejtës së fëmijëve për të pasur vikend” -theksoi Salihaj.

Jonuz Salihaj foli edhe për mosekzekutimin e pagave nga ana e Qeverisë.

Salihaj tha se qeveria nuk ka të drejtë në bazë të Ligjit mbi Grevat të ndal pagat e mësimdhënësve.

“Mendoj se Qeveria e Kosovës nuk ka të drejtë t’i ndal pagat e mësimdhënësve. Neni 13 i Ligjit mbi Grevat thotë se nuk ka të drejtë për ndëshkim (sanksione), pra largim nga puna apo gjobë e as ndalje të pagës. Domethënë në një grevë të ligjshme. SBASHK thirret në nenin 13 kurse qeveria në nenit 18. Mendoj se atë se çka po bën qeveria është thjesht lexim i ligji dhe jo interpretim” – tha Salihaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat