Ku u trajtua Konjufca për këmbën? Shefi i stafit del me një sqarim

Aktuale

Ku u trajtua Konjufca për këmbën? Shefi i stafit del me një sqarim

Më: 6 tetor 2022 Në ora: 15:10
Glauk Konjufca

Kreu i Kuvendit të Kosovës, Glauk Konjufca, ka pësuar një lëndim në këmbë dhe si pasojë e tij nuk do të dalë në punë për disa ditë.

Shefi i Kabinetit të Konjufcës, Ilir Kërçeli, shkruan se Kryetari i Kuvendit është trajtuar në QKUK, duke mohuar raportimin e një mediumi se “Konjufca nuk e trajtoi lëndimin e këmbës në QKUK”.

Kërçeli ka thënë se Konjufca është trajtuar në QKUK dhe e ka quajtur staf të mrekullueshëm ekipin që u kujdes për shefin e tij.

“Kryetari Konjufca është trajtuar në QKUK dhe me këtë rast falenderojmë stafin e mrekullueshëm të doktorëve”, ka shkruar Kërçeli.

Lajmin për lëndimin e Konjufcës e bëri të ditur, Mimoza Kusari, në një paraqitje para mediave.

“Kryetari i kuvendit prej sot s’do të jetë në kuvend në vendin e tij të punës, për arsye shëndetësore. Kryetari ka pasur një lëndim fizik mbrëmë dhe me rekomandim të mjekut do të duhet të qëndrojë në shtëpi në mënyrë që të ketë rikuperim të këmbës”, ka thënë Mimoza Kusari-Lila.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat