Kardiologu tregon ‘diagnozën’ e dorëheqjes së Rifat Latifit nga ekipi i Kurtit

Aktuale

Kardiologu tregon ‘diagnozën’ e dorëheqjes së Rifat Latifit nga ekipi i Kurtit

Më: 7 tetor 2022 Në ora: 13:21
Rifat Latifi

Doktori Gani Bajraktari, ka komentuar dorëheqjen e ministrit Rifat Latifi, duke theksuar se ai është menaxher dhe ekspert i shkëlqyer.

Sipas Bajraktarit, problem ishte se Latifi nuk e njihte kaosin në të cilin hyri.

“Ministri Latifi (siç e kam thënë ditën kur e mori poziten) mori mbi supe më tepër një sakrificë sesa një privilegj!

Don të thotë Ai nuk fitoi gjë, përveq ca brëshëri sharjesh (gjëja më e rëndomtë në Kosovë)!

Në fakt, ne e dinim se ai kishte përpara një “Mission Impossible”, sepse ai kishte hyrë në xhungël, duke mos pasur asnjë njohuri paraprake për përmbajtën e xhunglës, dhe pa asnjë mjet mbrojtës, pavarësisht se ai njihet si Ekspert dhe Menaxher kulminant!”, ka shkruar kardiologu i njohur kosovar.

“Mesazh për Qeverinë: Institucionet publike shëndetësore duhet të menaxhohen nga njerëz të cilët përditë e “shijojnë” aromën e mjekësisë kosovare dhe e duan e bashkëndjejnë më këtë “aromë”!”, përfundon postimi i doktor Gani Bajraktarit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat