“Në Kosovë u shkel zakoni, u shkel ligji e u copëtua çdo zemër njeriu”- Avokatja i kërkon presidentes që të shpall ditë zie

Aktuale

“Në Kosovë u shkel zakoni, u shkel ligji e u copëtua çdo zemër njeriu”- Avokatja i kërkon presidentes që të shpall ditë zie

Nga: M.L. Më: 1 dhjetor 2022 Në ora: 08:29
Foto nga vendngjarja

Avokatja Fehmije Gashi Bytyqi i ka kërkuar presidentes Vjosa Osmani që të shpall ditë zie pas vrasjes së mbrëmshme të gruas shtatzënë në oborrin e QKUK-së.

Në një postim avokatja përmendi edhe vrasjen e mësueses Sadie Miftari-Godeni në fillim të kësaj jave nga bashkëshorti i saj.

Gashi-Bytyqi ka thënë se në Kosovë u shkel zakoni, u shkel ligji e u copëtua çdo zemër njeriu.

Postimi i plotë:

VJOSA OSMANI -Kryetare e shtetit tonë të propozoj të shpallesh dite zie, sepse brenda javës u vranë dy gra e një foshnje në ardhje.

Shpall dite zie se në Kosovë u shkel zakoni ( ku gruaja shtatzënë në asnjë situate nuk vritej) u shkel ligji dhe u coptua çdo zemër njeriu .

Shpall dite zie që zia të hyjë në çdo familje, të ndjej çdo zemër njeriu dhembjen për viktimat e pafajshme.

Miqësisht

Fehmije Gashi Bytyqi

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat