Haxhiu: Për prokuroret dhe gjyqtarët ne Kosovë me e rëndësishme është paga e tyre se rastet e vrasjes së grave

Aktuale

Haxhiu: Për prokuroret dhe gjyqtarët ne Kosovë me e rëndësishme është paga e tyre se rastet e vrasjes së grave

Më: 1 dhjetor 2022 Në ora: 22:33
Albulena Haxhiu

Ministrja e Drejtësisë, Albulena Haxhiu, ka thënë se për gjyqtarët dhe prokurorët më e rëndësishme është paga e tyre se rastet e vrasjes së grave në Kosovë.

Ajo ka thënë se ky fakt e shqetëson atë.

Haxhiu ka thënë se mospjesëmarrja e tyre në grupit ndërministror tregon se ata nuk kanë përgjegjësi morale e as profesionale.

“Ajo çfarë mua më shqetëson është se për gjyqtarët dhe prokurat tanë fatkeqësisht më e rëndësishme është paga e tyre sesa jeta e grave dhe vajzave në Republikën e Kosovës. Fakti që ata nuk kanë qenë sot të pranishëm në mbledhjen e grupit ndërministror, tregon që këta nuk kanë as ndërgjegjeje morale e as profesionale”, ka thënë Haxhiu.

Vendimi i Qeverisë së Kosovës ditë më parë për uljen e pagave për prokurorët dhe gjykatësit ka ngjallur reagime nga institucionet e drejtësisë.

Ata kanë marrë vendim për reduktimin e shërbimeve dhe kanë ndaluar çdo bashkëpunim me Qeverinë deri në tërheqjen e vendimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat