Vrasësi i 35-vjeçares ende në arrati - Këto ishin fjalët e Sokolit kur kërcënoi Hamiden!

Aktuale

Vrasësi i 35-vjeçares ende në arrati - Këto ishin fjalët e Sokolit kur kërcënoi Hamiden!

Më: 1 dhjetor 2022 Në ora: 23:15
Hamide Magashi dhe Sokol Halili

Kanë kaluar më shumë se 24 orë që kur Hamide Magashi, 35-vjeçare u vra në oborrin e QKUK-së dhe vrasësi dyshohet të jetë Sokol Halili, 31-vjeçar – ish-burri i viktimës.

Ai ka ikur dhe i është gjetur vetëm vetura. Policia e Kosovës ka publikuar fotografinë e tij duke kërkuar ndihmë nga qytetarët për çdo informacion të mundshëm për vendodhjen e tij.

Por aparati shtetëror ka dështuar në tërësi. Sokol Halili kishte aktakuzë të ngritur për kanosje dhe armë-mbajtje pa leje.

Tashmë e ndjera Hamide Magashi disa herë ishte ankuar në Polici. Asgjë – pa rezultat.

Asaj i është dhënë një mbrotje në letër – dhe kaq! Një mbrotje që natën e 30 nëntorit mbeti një cope letre turpi – pasqyrim neglizhence për një aparat shtetëror.

“Do ta vras burrin e motrës dhe do të bëj seks në prezencën tënde”. Këto ishin fjalët e të dyshuarit që ishin raportuar në organet ndjekëse nga viktima Hamide Magashi në korrik të këtij viti.

Kjo nuk ka mjaftuar që ky kërcënues të burgoset. Ndërkaq familjarët e së ndjerës gjatë ditës kanë thënë se i dyshuari vazhdimisht kishte qëlluar rreth shtëpisë së tyre.

Dorëheqje në Polici, QKUK e në asistencë sociale nuk ka. Kryeministri i Kosovës i ka kërkuar këto dorëheqje.

Në anënt tjetër, shoqëria ka reaguar – kishte një protestë në sheshin e Prishtinës “Zahir Pajaziti”, por jo e madhe sa reagimet e shumta nëpër rrjetet sociale.

Krejt kjo, qartazi tregon një dështim të tërësishëm sistemi që nuk arriti dot ta mbronte një qytetare të saj përkundër se disa herë i kishte kërkuar ndihmë.

commentFirst article
Sot mund të lexoni Shfletoni kopertinat