Ky është vendi ku po fshihej Sokol Halili, vrau veten për të mos iu dorëzuar Policisë

Aktuale

Ky është vendi ku po fshihej Sokol Halili, vrau veten për të mos iu dorëzuar Policisë

Më: 2 dhjetor 2022 Në ora: 15:06
Sokol Halili

I dyshuari për vrasjen e 35 vjeçares shtatzënë ka vrarë veten.

Ministri i Brendshëm, Xhelal Sveçla ka bërë të ditur se Sokol Halili është lokalizuar sot nga Policia, dhe i njëjti ka bërë vetëvrasje, para se të dorëzohej tek autoritetet.

Në media u publikuan pamjet nga momenti kur Policia e Kosovës i bënte thirrje për dorëzim të dyshuarit, i cili po fshihej në shtëpinë e prindërve të tij në Shtime.

Policia ishin duke negociuar dorëzimin e tij, por Halili ka vrarë veten duke refuzuar të dorëzohet.

Detaje të tjera nuk janë bërë të ditura ende.

Sokol Halili ishte në kërkim të Policisë qe gati dy ditë, si i dyshuar për vrasjen e ish-bashkëshortes së tij.

Shtatzëna 35-vjeçare u vra në oborrin e Qendrës Klinike Universitare të Kosovës, ku kishte shkuar për të kryer lindjen e fëmijës së saj të parë.

Sipas familjarëve, viktima dhe i dyshuari për vrasje kanë qenë në prag të divorcit, si pasojë e dhunës së vazhdueshme fizike e psikike që viktima kishte pasur në vazhdimësi nga ish bashkëshorti i saj.

Ai është lokalizuar nga Policia dhe më pas ia ka marrë jetën vetes, ndërkohë që në anën tjetër viktima H.M u përcoll për në banesën e fundit.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat