Nënshkruhet udhëzimi administrativ për dokumentacion shkollor në arsimin parauniversitar

Aktuale

Nënshkruhet udhëzimi administrativ për dokumentacion shkollor në arsimin parauniversitar

Më: 5 dhjetor 2022 Në ora: 17:15
Ministrja e Arsimit, Shkencës, Teknologjisë dhe Inovacionit, Arbërie Nagavci

Ministrja e Arsimit, Shkencës, Teknologjisë dhe Inovacionit, Arbërie Nagavci, ka njoftuar se ka nënshkruar urdhër administrativ për dokumentacionin shkollor për arsimin parauniversitar.

Nagavci në një postim në Facebook, ka thënë se me këtë udhëzim po krijohet bazë për digjitalizimin e dokumentacionit pedagogjik.

"Ky dokument redukton ngarkesën administrative për kujdestarët e klasave, sekretarët e drejtorët e shkollave. Kjo do t'i kontribuojë shtyllës së pestë të Strategjisë për arsim në të cilën parashihen investime mbi 51 milionë për 5 vitet e ardhshme. Ndër të tjera, ky Udhëzim përcakton dokumentacionin shkollor për arsimin parauniversitar, përmbajtjen dhe formën e tyre, botimin, plotësimin, ruajtjen, gjuhët dhe përgjegjësitë e përdorimit. Si Ministri, do të sigurohemi që të ndërmerren veprimet e nevojshme për zbatim të menjëhershëm të këtij Udhëzimi”, thuhet në njoftimin e Nagavcit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat