Zotëria i Parë thotë se Vuçiq po frikësohet nga Osmani

Aktuale

Zotëria i Parë thotë se Vuçiq po frikësohet nga Osmani

Më: 5 dhjetor 2022 Në ora: 19:57
Prindon Sadriu dhe Vjosa Osmani

Zotëria i parë i Kosovës, Prindon Sadriu ka shpërndarë një lajm në rrjetin e tij social Facebook, ku presidentin e Serbisë, Aleksandar Vuçiq e ka quajtur frikacak, pasi ky i fundit kishte deklaruar se në Samitin e Tiranës do të jenë homologët e tij, presidentja e Republikës së Kosovës, Vjosa Osmani, dhe presidenti i Malit të Zi, Milo Gjukanoviq.

“Pastaj kur të shtoni Vjosa Osmanin, Milo Gjukanoviqin apo të tjerët nga rajoni, mund ta imagjinoni se si do të jetë. Një situatë e këndshme për Serbinë. Jeta është një luftë dhe nuk ka arsye për të qarë”, ka deklarua Vuçiq.

Ndërsa, Sadriu ka thënë se Vuçiq është ish-ministri i “kasapit të Ballkanit”, Sllobodan Milloshoviq.

“Frikacaku, në rolin e të ashtëquajturit president i Serbisë, tregoi arsyen e vërtetë të hezitimit të pjesëmarrjes në Samitin e BE-së në Tiranë — pjesëmarrja e Presidentes së Kosovës dhe Presidentit të Malit të Zi”, ka shkruar Sadriu.

Presidenti i Serbisë, Vuçiq fillimisht e kishte bojkotuar këtë Samit për shkak të emërimit të Nenad Rashiqit, ministër për Komunitete dhe Kthim në Qeverinë e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat