Shkëlzen Gashi paralajmëron zhvillime dramatike ditëve të ardhshme në Kosovë

Aktuale

Shkëlzen Gashi paralajmëron zhvillime dramatike ditëve të ardhshme në Kosovë

Më: 6 dhjetor 2022 Në ora: 20:59
Shkëlzen Gashi

Pas shpërthimeve të sotme në veri të vendit, analisti Shkëlzen Gashi thotë se ditëve dhe javëve në vazhdim do të ketë zhvillime dramatike.

Gashi në emisionin Pressing tha se këto zhvillime dramatike mund të ndodhin pasi që deri në mars duhet të gjendet një zgjidhje për normalizim të marrëdhënieve mes Kosovës dhe Serbisë.

“Ka me pas zhvillime dramatike ditëve dhe javëve në vazhdim, sepse deri në mars duhet me gjet një zgjidhje me arrit një marrëveshje për normalizim të raporteve mes Kosovës dhe Serbisë”.

Tutje, Gashi tha se pas këtij tensionimi të situatës do të jetë e vështirë mbajtja e zgjedhjeve në veri të vendit.

Sipas tij, kjo do t’i detyrojë palët që të gjejnë një zgjidhje sa më shpejt që është e mundshme.

“Ardhja e Lajçakut me një përditësim të planit franko gjerman, edhe situata në veri tash dhe tensionimi i saj, pra sipas të gjithave gjasave ka me kon vështirë edhe me mbajtë zgjedhje tash. Unë po besoj që kanë me i detyru palët me u ulë e me gjet një zgjidhje sa ma shpejt që është e mundshme”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat