​Bislimi në Bruksel takon Simon Mordue, Këshilltar kryesor për Politika të Jashtme i Presidentit të Këshillit Evropian

Aktuale

​Bislimi në Bruksel takon Simon Mordue, Këshilltar kryesor për Politika të Jashtme i Presidentit të Këshillit Evropian

Më: 7 dhjetor 2022 Në ora: 23:27
Foto nga takimi

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, u takua në Bruksel me Simon Mordue, Këshilltar kryesor për Politika të Jashtme i Presidentit të Këshillit Evropian, Charles Michel.

Zyra e Kryeministrit ka njoftuar se, në këtë takim, këshilltari i Presidentit Charles Michel, u informua mbi vendimin e Kosovës për aplikimin për anëtarësim në Bashkimin Evropian. Kosova gjendet tashmë në vitin e gjashtë të zbatimit të Marrëveshjes së Stabilizim Asocimit.

Ka ardhur koha që marrëdhëniet dhe partneriteti me Bashkimin Evropian të shkojë një hap tutje. Kosova ka shënuar progres të theksuar, në fusha kyçe në bashkërendimin dhe përafrimin e standarteve me ato të BE-së si në sundim të ligjit, luftën kundër krimit të organizuar dhe korrupsionit, zhvillimin ekonomik e demokratizimin. Progres ky, i riafirmuar edhe nga Raporti për vendin 2022 i Komisionit Evropian.

commentFirst article
Sot mund të lexoni Shfletoni kopertinat