Ish-kryeinspektori i burgjeve tregon pse i mori incizimet e kamerave para Policisë në rastin Dehari

Aktuale

Ish-kryeinspektori i burgjeve tregon pse i mori incizimet e kamerave para Policisë në rastin Dehari

Më: 8 dhjetor 2022 Në ora: 21:29
Ylber Topalli

Ish-kryeinspektori i burgjeve të Kosovës, Ylber Topalli ka treguar se pse i ka marrë incizimet e kamerave para Policisë në rastin e Astrit Deharit.

Topalli në T7 tha se ato incizime i ka marrë përmes USB’së, me qëllim të inspektimi të mëtutjeshëm.

“Me këtë konstatim është manipulu opnioni. Unë kam shku dhe kamerat i kam marr përmes USB i kam hedh prej Hard Disku në USB time me qëllim të inspektimit të mëtutjeshëm. Ashtu kanë vepru edhe organet e tjera, qoftë SHKK, Policia. Hard Disku është në origjinalitet në memorien e kompjuterit dhe atë nuk e kom marrë”.

I pyetur se pse nuk e ka pritur Policinë e Kosovës për marrjen e këtyre incizimeve, Topalli thotë se nuk e kanë të ndaluar t’i marrin pamjet për inspektime të brendshme. Njëjtë thotë se kanë vepruar edhe në raste të tjera.

“Unë i kam marrë për qëllime të inspektimit të brendshëm. Nuk e ndalon. Ashtu ka vepru edhe SHKKK, nuk kemi ndalesë pse mos me i marrë ato. Policia i kryen obligimet e veta, na për inspektime të brendshme. Në të gjitha rastet e tjera kemi vepru kështu”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat