Video e ambasadës amerikane, Hill tergon nëse ka lidhje me fushatën kundër produkteve serbe

Aktuale

Video e ambasadës amerikane, Hill tergon nëse ka lidhje me fushatën kundër produkteve serbe

Më: 27 janar 2023 Në ora: 18:34
Christopher Hill

Pas zhvillimeve në veri të Republikës së Kosovës dhe kërcënimeve të Vuçiqit me luftë, në Kosovë është organizuar një fushatë për bojkotimin e produkteve me origjinë nga Serbia.

Dikush që është pjesë e kësaj fushate kishte realizuar edhe një video në të cilën shihej duke hapur produkte të Serbisë e në paketimet e të cilave kishte plumba.

Një fushatë e tillë kishte nxitur edhe reagime të shumta në Serbi. Ndërkohë në këtë kohë kur po zhvillohet një fushatë kaq e madhe kundër produkteve serbe, Ambasada e SHBA-së në Beograd ka publikuar një video në të cilën promovohet tregu i hapur i produkteve.

Por a ishte kjo një përgjigje ndaj fushatës në Kosovës kundër produkteve serbe. Për këtë ka folur ambasadori i SHBA-së, Christopher Hill. Ai ka thënë se një gjë të tillë duhet ta gjykojnë shikuesit.

“Ne besojmë në shkëmbimin, në ndërveprimin paqësor të komuniteteve. Nëse do të ketë ndonjë reagim, do ta lë në dorën tuaj dhe shikuesve të tjerë”, ka thënë ambasadori amerikan për agjencinë Beta.

 

commentFirst article
Sot mund të lexoni Shfletoni kopertinat