Nga 1 prilli do të shtrenjtohet energjia elektrike.
Për rreth 14% më shtrenjtë planifikohet të faturohet rryma nga Zyra e Rregullatorit për Energji.
Kjo rritje sipas këtij institucioni, do të vlejë deri në vitin e ardhshëm.
“Tarifat e reja hyjnë në fuqi me 01 prill 2023 dhe zgjasin deri më 31 mars 2024. Vlerësimet preliminare të prezantuara në Raportet Konsultative tregojnë një rritje rreth 14%. Koha për pranimin e komenteve është deri më 3 mars 2023, deri më tani nuk kemi pranuar komente nga asnjë palë e interesit”.
Ndryshimin e çmimit të rrymës, si të papranueshëm e shohin nga Këshilli për Mbrojtjen e të Drejtave dhe Lirive të Njeriut.
Edhe për qytetarët, një rritje e tillë vlerësohet si vështirë e përballueshme.
Nga institucionet përkatëse, vazhdimisht është bërë thirrje për kursim të energjisë elektrike.
