Rrëzimi i ligjit për KPK-në, Haliti: Nga shkeljet e Kushtetutës, dy Presidentë janë dorëhequr

Aktuale

Rrëzimi i ligjit për KPK-në, Haliti: Nga shkeljet e Kushtetutës, dy Presidentë janë dorëhequr

Më: 28 mars 2023 Në ora: 08:57
Deputeti i Partisë Demokratike të Kosovës, Xhavit Haliti

Deputeti i Partisë Demokratike të Kosovës, Xhavit Haliti, ka thënë se në të kaluarën në raste kur ka pasur shkelje Kushtetuese ka pasur pasoja, e duke pasuar dorëheqjen e dy presidentëve për shkelje Kushtetuese, Fatmir Sejdiu e Behgjet Pacolli.

Sa i përket projektligjit për Këshillin Prokurorial, Haliti ka thënë se nëse është konstatuar që ka pasur shkelje Kushtetuese atëherë e vërteta duhet të ketë pasoja.

“Tani shkeljet Kushtetuese për të kaluarën po flasë, pas çdo shkelje Kushtetuese të konstatuar në Gjykata ka pasur pasoja, janë dorëhequr dy presidentë për shkelje Kushtetuese. Kjo çështja e Këshillit Prokurorial, mendoj që ata duhet me pa edhe deputet duhet me pa se si mund të konstatohet ose si është konstatuar, unë se kam parë atë aktgjykimin, në përputhje më atë nuk mund të flasë, për aktgjykimin, por në qoftë se është konstatuar që ka pasur shkelej Kushtetuese atëherë e vërteta duhet të ketë pasoja”, tha ai për Eo.

Të premten Kushtetuesja e shpalli të pavlefshëm këtë ligj pas kërkesës për vlerësim të kushtetutshmërisë, nga deputetët e PDK-së dhe LDK-së. Gjykata i ka vlerësuar në mospërputhje me Kushtetutën, disa nene të ligjit.

Ministrja e Drejtësisë, Albulena Haxhiu, ka thënë se është një goditje për reformën në drejtësi.

commentFirst article
Sot mund të lexoni Shfletoni kopertinat