Presidentja e Kosovës, Vjosa Osmani, ka thënë se humbja e dy qytetarëve në Pejë si pasojë e vërshimeve ka tronditur gjithë Kosovën.
Osmani i ka shprehur ngushëllime familjes, miqve, kryetarit të komunës, Gazmend Muharxherit dhe të gjithë qytetarëve të Pejës.
Osmani ka thënë se FSK-ja dhe të gjitha institucionet e tjera janë duke ofruar ndihmë.
“Forca e Sigurisë së Kosovës dhe gjithë institucionet e tjera që merren me emergjenca të tilla janë në Pejë që nga mbrëmë duke ofruar ndihmën dhe përkrahjen e tyre. Në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike”, ka shkruar Osmani.
