E përjashtojnë nga PDK-ja se bashkëpunonte me ta, pak pas përjashtimit takohet me zyrtarë të VV-së

Aktuale

E përjashtojnë nga PDK-ja se bashkëpunonte me ta, pak pas përjashtimit takohet me zyrtarë të VV-së

Më: 25 gusht 2023 Në ora: 20:37
Bajram Isufi i përjashtuar nga PDK-ja

Bajram Isufi, drejtor i Bujqësisë në Komunën e Gjilanit  së bashku me dy të tjerë – të gjithë zyrtarë në këtë komunë – janë përjashtuar nga Partia Demokratike e Kosovë, pasi të njëjtit sipas partisë opozitare, kanë shkelur vendimin e Këshillit Drejtues për të pezulluar çdo komunikim zyrtar dhe bashkëpunim me kryeministrin, Albin Kurti dhe presidenten, Vjosa Osmani, si dhe Lëvizjen Vetëvendosje.

Përjashtimi nga PDK-ja nuk ka bërë që Isufi të mos takohet më zyrtarë të VV-së, por, përkundrazi.

I njëjti vetëm pak kohë përjashtimit të tij është takuar me Armend Musajn nga Ministria e Bujqësisë, Pylltarisë dhe Zhvillimit Rural dhe drejtorin e bujqësisë të Komunës së Kamenicës, Shpend Morinën.

Ky takim sipas tij, ishte takim koordinues për trajtimin e qenëve endacak.

“Gjatë këtij takimi u diskutua për gjetjen e një zgjidhjeje afatgjate të këtij fenomeni shqetësues. Nga ky takim është bërë edhe një agjendë e përbashkët në mënyrë që të konkretizohen idetë dhe projektet tona në interes të qytetarëve”, ka shkruar Isufi në Facebook.

comment Për komente lëvizni më poshtë
Sot mund të lexoni Shfletoni kopertinat