Ish-Presidentja e Kosovës, Atifete Jahjaga, vlerëson se vrasja e Liridona Ademaj-Murselit është dëshmi e dominimit të logjikës së sundimit burrëror.
Ajo ka thënë se derisa bota është duke shënuar fushatën “16 ditë kundër dhunës në baza gjinore” me aktivitete të ndryshme, Kosova është duke dështuar.
“Po gjatë këtij 16 ditëshi, ne po dështojmë, çdo vit e më shumë, çdo vit e më keq. Vrasja e Liridona Ademajt, në mënyrë kaq brutale e të pamëshirshme është dëshmi e qartë për rrënjët e thella të patriarkatit në vend, të mendësisë së cekët, e të pamëshirshme ndaj grave në vend”, ka shkruar Jahjaga.
“Të jetë humbja e Liridonës rasti i fundit. E kryerësit e këtij krimi të marrin dënimin e merituar sa ma shpejtë!”.
Ish-presidentja ka përgëzuar Policinë e Kosovës, institucion në të cilin vite më parë ka punuar edhe vetë, për reagimin e shpejt dhe arrestimin e të dyshuarve.
Kampanja “16 ditë kundër dhunës në baza gjinore” është duke u mbajtur edhe në Kosovë.
