Kryeministri i vendit, Albin Kurti ka bërë homazhe te varri i ish-presidentit Ibrahim Rugova.
Kurti para mediave tha se në 18 vjetorin e vdekjes së Rugovës, e kujtojnë atë për rolin e dhënë për shtetin e Kosovës.
“Sot në 18 vjetorin e ndarjes nga jeta e kujtojmë për rolin dhe kontributin në ndërkombëtarizimin e çështjes së Kosovës dhe në kombëtarizimin e rezidencës së vjetër.
Si shkrimtar shqiptar dhe si kritik letrar, presidenti historik Ibrahim Rugova e kuptonte si rrallë kush ndërlidhjen e përfaqësimit politik me kulturën popullore dhe kjo ishte tejet e vlefshme për rezistencën paqësore në vitet e 90’ta”, deklaroi Kurti.
