Ky është emri i të burgosurit që ndërroi jetë sot në Spitalin e Pejës

Aktuale

Ky është emri i të burgosurit që ndërroi jetë sot në Spitalin e Pejës

Më: 12 shkurt 2024 Në ora: 23:28
Foto ilustrim

Shërbimi Korrektues i Kosovës më herët njoftoi për vdekjen e një të burgosuri në Spitalin e Pejës.

Ndërkohë, burime të medias bëjnë me dije se bëhet fjalë për Hamit Mazrekun, i cili ka ndërruar jetë në ora 19:30 në Spitalin e Pejës.

I ndjeri ishte i vendosur në Stacionarin e Qendrës Korrektuese në Dubravë dhe ka qenë duke  u trajtuar në vazhdimësi nga sëmundjet praprake me të cilat është pranuar.

Njoftimi i plotë i Shërbimit Korrektues:

Njoftim nga SHKK & DSHB

Shërbimi Korrektues i Kosovës dhe Departamenti Shëndetësor i Burgjeve, njoftojnë opinionin publik se në orën 19:30, në Spitalin e Pejës, është konstatuar vdekja e të burgosurit, H.M.

I njëjti ishte i vendosur në Stacionarin e Qendrës Korrektuese në Dubravë dhe ka qenë duke  u trajtuar në vazhdimësi nga sëmundjet praprake me të cilat është pranuar.

Sipas dosjes mjekesore i nëjti ka ardhur me sëmundje të rënda dhe me vështirësi për kujdes për vetveten. Fillimisht është pranuar në Qenden e Paraburgimit ne Prishtinë, në pranim vizitohet nga mjeku kujdestar dhe për shkak të gjendjes së rënduar shëndetësore udhezohet për në QKUK dhe pas kthimit dërgohet ne stacionarin e burgut të Dubravës.

Edhe në këtë institucion ka pasur vështirësi në menaxhimin e tij për shkak të sëmundjes së tij dhe nga aty është dërguar ne Spitalin e Përgjithshem të Pejës si dhe ne QKUK. Në vazhdimësi është trajtuar sipas rekomandimeve të specialistëve!

Sonte rreth ores 18:55 ka pësur krizë të vetëdijes dhe pas reanimimit të vazhueshëm nga mjeku kujdestar në Stacionarin e Burgut, është dërguar në Emergjenca e Spitalit të Pejës, ku është konstatur vdekja e tij.

Organet kompetente janë duke u zhvilluar procedurat ligjore, ndërsa autopsia do të verifikoi shkakun e vdekjes.

commentFirst article
Sot mund të lexoni Shfletoni kopertinat