Ambasada amerikane: Trupat amerikane dhe të Kosovës krah për krah në “Defender Europe 25”

Aktuale

Ambasada amerikane: Trupat amerikane dhe të Kosovës krah për krah në “Defender Europe 25”

Më: 13 qershor 2025 Në ora: 15:25
Foto ilustrim

Kosova ka qenë nikoqire dhe pjesëmarrëse aktive në stërvitjen shumëkombëshe “Defender Europe 25”, një nga ushtrimet më të mëdha ushtarake amerikane në Evropë, e udhëhequr nga Komanda Evropiane e Shteteve të Bashkuara.

Ambasada e Shteteve të Bashkuara në Kosovë ka shpërndarë pamje nga kjo stërvitje ushtarake përmes një videoje në rrjetet sociale, duke vënë në pah bashkëpunimin e fortë mes forcave amerikane dhe Forcës së Sigurisë së Kosovës (FSK).

“Nga Pennsylvania në Prishtinë – trupat amerikane dhe kosovare morën pjesë krah për krah në #ImmediateResponse gjatë DEFENDER 25. Së bashku po forcojmë sigurinë dhe jemi të gatshëm të reagojmë dhe të udhëheqim”, thuhet në postimin e Ambasadës amerikane në Facebook.

Stërvitja “Defender Europe 25” synon rritjen e gatishmërisë, ndërveprimit dhe kapaciteteve mbrojtëse të aleatëve dhe partnerëve të NATO-s, me theks të veçantë në stabilitetin e Ballkanit dhe Evropës Juglindore.

comment Për komente lëvizni më poshtë
Sot mund të lexoni Shfletoni kopertinat