FSK: Automjetet ngatërruan drejtimin gjatë lëvizjes nga Istogu për në Mitrovicë

Aktuale

FSK: Automjetet ngatërruan drejtimin gjatë lëvizjes nga Istogu për në Mitrovicë

Më: 16 tetor 2025 Në ora: 13:15
Foto ilustrim

Forca e Sigurisë së Kosovës ka sqaruar incidentin e ndodhur gjatë ditës së enjte, kur disa automjete të saj janë parë në territorin e Mitrovicës së Veriut.

Në njoftim, FSK-ja ka bërë të ditur se rreth orës 10:30, gjatë lëvizjes së konvojit nga Istogu drejt kazermës së FSK-së në Mitrovicë, pjesëtarët e forcës kanë ngatërruar drejtimin e lëvizjes.

“Forca e Sigurisë së Kosovës njofton publikun që sot me datë 16.10.2025 në ora 10:30, gjatë lëvizjes së konvojit të FSK-së nga Istogu për në kazermën e FSK-së në Mitrovicë, pjesëtarët e FSK-së me automjete e kanë ngatërruar drejtimin e lëvizjes”, ka njoftuar FSK-ja.

Në komunikatën e saj, FSK-ja thekson se bëhet fjalë për një gabim të paqëllimshëm në orientim dhe se situata është menaxhuar menjëherë pa ndonjë incident.

comment Për komente lëvizni më poshtë
Sot mund të lexoni Shfletoni kopertinat