Kryetari i AAK-së Ramush Haradinaj ka bërë të ditur se sipas të dhënave nga shtabi zgjedhor i kësaj partie, shumë persona po marrin pjesë në procesin e votimit pa qenë banorë të Junikut.
Haradinaj tërhoqi vërejtjen se një veprim i tillë përbën shkelje të ligjit dhe se çdo rast i evidentuar do t’u përcillet institucioneve kompetente, përfshirë Prokurorinë për hetim dhe veprime ligjore.
Ai paralajmëron se për secilin person do të bëhen padi individuale, raporton KosovaPress.
Haradinaj u ka bërë thirrje qytetarëve të respektojnë rregullat dhe të kontribuojnë në një proces zgjedhor të drejtë, transparent dhe në përputhje me ligjin.
