Nga përjashtimi në LDK te krijimi i Partisë Guxo – Geci flet për rugovistët e rinj

Aktuale

Nga përjashtimi në LDK te krijimi i Partisë Guxo – Geci flet për rugovistët e rinj

Nga: A.SH Më: 3 dhjetor 2025 Në ora: 07:30
Anëtarët e Guxo

Veprimtari Halil Geci ka vlerësuar se rugovistët e përjashtuar nga LDK-ja kanë ndërtuar shtëpinë e tyre të re politike, Partinë Guxo, duke ruajtur me përkushtim frymën e Presidentit Ibrahim Rugova.

Ai thekson se përmes guximit dhe vendosmërisë së tyre, këta veprimtarë kanë kontribuar në rikthimin e Kosovës në rrugën e shtetndërtimit modern, ashtu siç e kishte vizionuar Rugova.

Geci potencon se anëtarët e Partisë Guxo vazhdojnë ta nderojnë figurën e tij, duke përkujtuar ditëlindjen dhe veprën e Presidentit të ndjerë, i cili mbetet i pavdekshëm për sa kohë shqiptarët besojnë në paqe, demokraci dhe zhvillim.

Postimi i plotë:

RUGOVISTËT E PËRJASHTUAR NGA LDK NDËRTUAN SHTËPINË E RE ME EMRIN “PARTIA GUXO” DHE ME FANATIZËM RUAJTËN FRYMËN E RUGOVËS

Rugovistët e përjashtuar, të nënçmuar dhe të dëbuar pa vullnetin e tyre nga shtëpia e tyre politike LDK-ja, sot ata kanë ndërtuar shtëpinë e tyre të re: me emërin Partia Guxo.

Me vendosmërinë dhe guximin e tyre, ata kanë kontribuar që Kosova të rikthehet në parametrat e një shteti modern, ashtu siç e kishte ëndërruar dhe e kishte projektuar Presidenti Ibrahim Rugova.

Duke mos harruar kurrë të zotin e shtëpisë, Rugovën e madh, ata vazhdojnë t’i bëjnë nderime pranë varrit të tij, duke përkujtuar me respekt ditëlindjen, jetën dhe veprën e tij. Për Rugovën e madh, vdekja nuk ekziston: veprimet, ideali dhe puna e tij mbeten të gjalla për aq kohë sa mbi këtë tokë do të ketë shqiptarë që besojnë në paqe, shtetndërtim dhe demokraci.

comment Për komente lëvizni më poshtë
Sot mund të lexoni Shfletoni kopertinat