Analisti politik, Shkëlzen Gashi, ka reaguar ashpër ndaj kritikave që disa figura politike po i drejtojnë kryeministrit të Kosovës, Albin Kurti, duke i akuzuar atë për lidhje me biznesmenët e diskutueshëm në rajon, Damir Fazli dhe Vuk Hamoviq.
Në një postim publik, Gashi ka thënë se pikërisht këta kritikues dikur vetë kanë pasur marrëdhënie të forta me dy emrat e njohur si udhëheqës të “mafias energjetike” në Ballkan.
Ai ka kujtuar se këtë çështje e kishte shpjeguar vetë Kurti në një intervistë të vitit 2019.
Postimi i plotë:
Këta vetë kanë pasë lidhje të forta me dy udhëheqësit e mafisë energjetike në Ballkan: Damir Fazlić-in e Vuk Hamović-in, e tash e akuzojnë Albin Kurtin se ka lidhje me këta dy.
Lidhjet e tyre me Damir Fazliq-in e Vuk Hamoviq-in i pat spjegu Albin Kurti në një intervistë më 25 prill 2019.
Ju lus që ta dëgjoni këtë pjesë se është me shumë vlerë.
