“U përdhunua për orë të tëra”, detaje rrëqethëse nga abuzimi i 13-vjeçarit në Ferizaj

Aktuale

“U përdhunua për orë të tëra”, detaje rrëqethëse nga abuzimi i 13-vjeçarit në Ferizaj

Më: 17 dhjetor 2025 Në ora: 14:33
Foto ilustrim

Një i mitur dyshohet se është dhunuar dhe abuzuar në qytetin e Ferizajt.

Klankosova.tv ka kuptuar se bëhet fjalë për një 13-vjeçar i cili ishte kontaktuar përmes rrjeteve sociale nga një 17-vjeçar. I dyshuari është arrestuar dhe dërguar në mbajtje.

Ndërkohë, sipas burimeve të gazetarit Faton Mehmeti, 17-vjeçari dyshohet se ishte nën afektin e substancave narkotike gjatë kryerjes së veprës penale.

Pos tjerash, duke u thirrur në burimet e Mehmetit, i dyshuari dhunoi për orë të tëra të miturin.

Avokatja Fehmije Gashi-Bytyqi, thotë se i dyshuari nuk do të shpëtojë pa pasoja ligjore, pasi siç thotë ajo, 17-vjeçari nuk është i mitur i ri sipas literaturës kriminologjike.

Ajo ngriti shqetësimet se raste të tilla, pra dhunimi i meshkujve nga seksi i njëjtë, po shpeshtohen dita-ditës.

Nga ana tjetër, psikologia Atifete Syla thotë se viktima duhet të trajtohet nga psikologu për shkak të traumës së shkaktuar.

comment Për komente lëvizni më poshtë
Sot mund të lexoni Shfletoni kopertinat