Mal Berisha rrëzon maskat: Udhëheqësit shqiptarë dhe lojërat politike me Kosovën

Aktuale

Mal Berisha rrëzon maskat: Udhëheqësit shqiptarë dhe lojërat politike me Kosovën

Nga: Bota sot Më: 4 mars 2026 Në ora: 13:29
Mal Berisha

Diplomati Mal Berisha ka reaguar duke kritikuar udhëheqësit shqiptarë që sipas tij kanë bashkëpunuar me aleatë të armiqve historikë të Kosovës, nga Josif Broz Tito e deri te Aleksandër Vuçiç.

Berisha përmend raste konkrete, duke përfshirë rolin e Enver Hoxhës, Fatos Nanos dhe Edi Ramës në ngjarje dhe projekte politike që, sipas tij, kanë dëmtuar interesin e Kosovës.

Ai i bën thirrje publikut të reflektojë mbi besimin e vazhdueshëm tek këta udhëheqës dhe dokumenton çështjet me një koleksion fotografish.

Shkrimi i plotë:

Të dashur vëllezër dhe motra nga Kosova,

Ju lutem ndiqeni koleksionin e fotove në fund të këtij postimi!

Për mua është e pabesueshme dhe njëkohësisht e trishtueshme të shoh se si kaq shumë vëllezër e motra shqiptare nga Kosova i kanë besuar, i besojnë dhe vazhdojnë t’u besojnë aleatëve më të mëdhenj të armiqve të tyre historikë:

JOSIF BROZ TITOS, MILADIN POPOVIÇIT, VUKMANOVIÇ TEMPOS, RANKOVIÇIT, SLOBODAN MILOSHEVIÇIT, DERI TE ALEKSANDËR VUÇIÇI

Ata janë:

ENVER HOXHA, FATOS NANO DHE EDI RAMA.

Pa hyrë thellë në histori, po ndalem në disa momente të drejtpërdrejta:

Kush e themeloi Partinë Komuniste Shqiptare?

MILADIN POPOVIÇ DHE VUKMANOVIÇ TEMPO.

Kush e ndërmori Masakrën e Tivarit?

RANKOVIÇI, ME DIJENINË E ENVER HOXHËS.

Kush e takoi Milosheviçin në Kretë?

FATOS NANO.

Kush e quajti Ramush Haradinajn “gomar”?

EDI RAMA.

Kush e inicioi projektin “BALLKANI I HAPUR”, që cenonte tërësinë territorial të Kosovës?

EDI RAMA DHE ALEKSANDËR VUÇIÇ.

Kush e përfshiu Hashim Thaçin në këtë projekt politik që përfundoi me përballjen e tij me drejtësinë ndërkombëtare?

EDI RAMA.

Kush po e mbështet sot Aleksandër Vuçiçin, i cili nuk mund të ecë drejt Bashkimit Evropian pa e njohur Kosovën, dhe që për herë të parë pas periudhës së Enver Hoxhës nënshkruan një dokument të përbashkët me Kyeministrin e Shqiperise?

EDI RAMA.

Kush e përfshiu Hashim Thaçin në një lojë të rrezikshme politike për ndarjen e Kosovës, një proces që përfundoi me përballjen e tij me drejtësinë në Gjykatën Ndërkombëtare në Hagë, ndërkohë që sot shfaqet si i prekur dhe i pikëlluar?

EDI RAMA.

Kush shkoi në Prishtinë, takoi Vjosa Osmanin duke e paralajmëruar për “rrezikun” që i kanosej?

A ishte kjo një lëvizje politike që ndikoi në mosrizgjedhjen e saj si Presidente e Republikës së Kosovës?

EDI RAMA.

Si mund të vazhdohet të besohet tek ata që kanë ndjekur politika që kanë dëmtuar dhe tradhtuar interesin e Kosovës në mënyrë të përsëritur?

Kush e jep përgjigjen?

Për ilustrim dhe dokumentim ndiqni fotoalbumin, ju lutem!

 

comment Për komente lëvizni më poshtë
Sot mund të lexoni Shfletoni kopertinat