ZRRE: Ishim të pranishëm për raportim, mbledhja dështoi në mungesë kuorumi

Aktuale

ZRRE: Ishim të pranishëm për raportim, mbledhja dështoi në mungesë kuorumi

Më: 3 prill 2026 Në ora: 11:12
Foto ilustrim

Zyra e Rregullatorit për Energji (ZRRE) ka reaguar ndaj raportimeve të fundit në media lidhur me mosraportimin në Komisionin Parlamentar për Ekonomi, duke i cilësuar ato si të pasakta.

Përmes një sqarimi, Bordi i ZRRE-së ka bërë të ditur se ka vepruar në përputhje të plotë me ftesën zyrtare të Komisioni Parlamentar për Ekonomi, Industri, Ndërmarrësi, Tregti dhe Inovacion, duke konfirmuar pjesëmarrjen dhe duke qenë fizikisht i pranishëm në Kuvendin e Kosovës, i gatshëm për raportim.

Sipas ZRRE-së, mbledhja nuk është zhvilluar për shkak të mungesës së kuorumit të nevojshëm nga ana e deputetëve.

Bordi ka shprehur keqardhje për raportimet, që sipas tyre kanë keqinformuar opinionin publik lidhur me prezencën dhe gatishmërinë e institucionit për raportim.

Në fund, ZRRE ka theksuar përkushtimin ndaj transparencës dhe komunikimit korrekt, duke u bërë thirrje mediave që të verifikojnë informacionet dhe të drejtohen tek ky institucion për sqarime zyrtare para publikimit të lajmeve.

comment Për komente lëvizni më poshtë
Sot mund të lexoni Shfletoni kopertinat