Rasti tragjik në Malishevë, trupat e pajetë dërgohen në IML

Aktuale

Rasti tragjik në Malishevë, trupat e pajetë dërgohen në IML

Më: 17 prill 2026 Në ora: 10:09
Foto ilustrim

Një rast i rëndë ka ndodhur të enjten në Malishevë, ku tre persona kanë humbur jetën pasi zjarri ka përfshirë banesën ku jetonin.

Rasti ka ndodhur në lagjen “Mirdita” në Malishevë, të enjten në ora 12:55.

Në raportin 24 orësh bëhet e ditur se me vendim të prokurorit, trupat e pajetë janë dërguar në Institutin e Mjekësisë Ligjore për obduksion.

“Është raportuar se është përfshirë nga zjarri një banesë. Në vendin e ngjarjes kanë dalë njësitet përkatëse, ndërsa ekipi zjarrfikës ka lokalizuar zjarrin. Pas kontrollit brenda në banese janë gjetur tre persona, dy meshkuj dhe një femër (dy të mitur) të cilët janë dërguar në Qendrën Emergjente ku është konstatuar vdekja e tyre. Me vendim të prokurorit, trupat e pajetë janë dërguar në IML për obduksion”, thuhet në raport. 

comment Për komente lëvizni më poshtë
Sot mund të lexoni Shfletoni kopertinat