Masa të rrepta sigurie para shpalljes së aktgjykimit në rastin “Banjska”

Aktuale

Masa të rrepta sigurie para shpalljes së aktgjykimit në rastin “Banjska”

Më: 24 prill 2026 Në ora: 14:14
Masa të rrepta sigurie para shpalljes së aktgjykimit në rastin “Banjska”

Gjykata Themelore në Prishtinë ka njoftuar se sot, më 24 prill, do të shpallet aktgjykimi për rastin “Banjska”, nën masa të shtuara sigurie.

Seanca e shpalljes së vendimit pritet të nisë në orën 15:00, ndërsa autoritetet kanë vendosur masa të rrepta sigurie për mbarëvajtjen e procesit.

Në fjalën përfundimtare, Prokuroria Speciale e Kosovës javën e kaluar ka kërkuar dënim me burgim të përjetshëm për të akuzuarit Vlladimir Tolliq, Bllagoje Spasojeviq dhe Dushan Makismoviq.

Të tre të akuzuarit kanë mohuar fajësinë për veprat që u vihen në barrë.

Ndryshe, Prokuroria Speciale, më 11 shtator 2024 ka ngritur aktakuzë kundër Milan Radoiçiqit dhe 44 të tjerëve, për sulmin terrorist të 24 shtatorit 2023 në Banjskë të Zveçanit.

comment Për komente lëvizni më poshtë
Sot mund të lexoni Shfletoni kopertinat