Daut Haradinaj i bën thirrje mërgatës: Regjistrohuni dhe bëhuni pjesë e ndryshimit për Kosovën

Aktuale

Daut Haradinaj i bën thirrje mërgatës: Regjistrohuni dhe bëhuni pjesë e ndryshimit për Kosovën

Më: 9 maj 2026 Në ora: 13:14
Daut Haradinaj

Përmes një video-mesazhi drejtuar bashkatdhetarëve në mërgatë, Daut Haradinaj ka ftuar qytetarët që jetojnë jashtë vendit të bëhen pjesë aktive e procesit zgjedhor në Kosovë, duke shfrytëzuar të drejtën e tyre të votës.

Ai ka theksuar rëndësinë e regjistrimit për votim, proces i cili mbetet i hapur deri më 17 maj, duke e konsideruar si një mundësi të rëndësishme për kontributin e mërgatës në të ardhmen e vendit.

“Ju ftojmë të bëheni pjesë e ndryshimit për Kosovën. Shfrytëzojeni të drejtën tuaj për të votuar duke u regjistruar për votim,” është thirrja e Haradinajt drejtuar mërgatës.

Në fund të mesazhit, ai ka shprehur mirënjohje të përhershme për angazhimin dhe kontributin historik të diasporës për Kosovën.

comment Për komente lëvizni më poshtë
Sot mund të lexoni Shfletoni kopertinat