Deputeti i VV-së akuzon Përparim Ramën për “vjedhje”: Ja çfarë pritet të ndodhë nesër

Aktuale

Deputeti i VV-së akuzon Përparim Ramën për “vjedhje”: Ja çfarë pritet të ndodhë nesër

Nga: A.M. Më: 10 shtator 2026 Në ora: 20:46
Egzon Azemi

Deputeti i Vetëvendosjes, Egzon Azemi, ka ngritur akuza lidhur me destinimin e një sipërfaqeje prej 4.5 hektarësh, apo rreth 45 mijë metrash katrorë, në zonën e ish-Tulltores në Prishtinë.

Përmes një postimi në Facebook, Azemi ka pretenduar se kjo pronë pritet t’i jepet për shfrytëzim për një periudhë 50-vjeçare biznesmenit Agim Gerbeshi.

Sipas Azemit, bëhet fjalë për një sipërfaqe të rëndësishme në afërsi të Xhamisë së Llapit, në zonën ku lidhen Tophanja, Kodra e Trimave dhe Arbëria.

Postim i plotë:

4.5 hektarë apo 45,000 m² të Tulltores, po vidhen nesër nga Përparim Hajni.

Afër Xhamisë së Llapit, ku bashkohen Tophanja, Kodra e Trimave dhe Arbëria.

Gjithë kjo pronë po i jipet për 50 vite Agim Gerbeshit. Zotri Gerbeshi, ju mund të investoni në pronat tuaj kudo, por mos u bëni pjesë e lojrave të ndyra të Përparim Ramës.

Komuna ka paguar mbi 8 milionë që ta marrë atë tokë nga AKP. Ajo është pronë e gjithë qytetit dhe të paktën do duhej të këtë diskutim publik për një pronë të tillë sepse Prishtina vuan për hapsira publike.

comment Për komente lëvizni më poshtë
Sot mund të lexoni Shfletoni kopertinat